1/
أحا ياجرح البگلبي    (يلمني)
عليك وعاذلي بحبك   (يلمني)
الناس أتشوفني ثوبي(يلمني)
لچن لومه الخجل ماظل عليه.
2/
سهمك صابني وللحين (بعداه)
بدليلي وگمت أجرن آه(بعداه)
غيرك مايسوي هيچ  (بعداه)
ولايعمل عملتك هاي بيه.
3/
تولاني زماني طاب (ماطاب)
عله راسي وجرح أله بالگلب
         (ماطاب)
أخبرنك يصاحب بعد(ماطاب)
عيشي وصابر عله الصاربيه.
4/
گصه بيه الوكت مايوم (عناي)
ولاواحد بربعي نشد   (عناي)
أزحف لليودني أزحوف(عناي)
وأرد أزحوف وتوچه عله أديه.
دد5/
أشكثر گلبي الصديجي تعب (ويهد)
وأحسنه يرك بالحيل (ويهد)
الحسبته ضمدللكلفات (ويهد)
وراي وهدته صارت عليه.
6/
أنحلت عيب أگل جدمي (منحالي)
نحت من سمع نوحي(منحالي)
يشامت جوز وترك  (منحالي)
أخس من التريده صار بيه.
7/
نحلت عيب أنگل بجدمي (وشلبيه)
وجفني من الوكت ماظل(وشلبيه)
شمداوي جرح البگلبي  (وشلبيه)
يگصي وكتي ودواه يصعب عليه.
8/
أون مابالربع من سمع (لني)
جزاني المستوي وتانيت(لني)
انه المن عگب ساهي العين
           (لني)
عله جوحي وگام يتمتن عليه.
9/
المصايب رگدن حيلي(ويرحن)
دليلي وگمت أجرونه (ويرحن)
أخافن يعمن أعيوني (ويرحن)
ويظل حته اليحبني أيلوم بيه.
10/
دليلي عله أحبابه أشكثر(يرحن)
جفوني والليالي عيب (يرحن)
أخاف عله العيون أنوب(يرحن)
ويظل بس الظلام أيحيط بيه.
11/
روحي أشكثربحبابي  (حبلهه)
أنكروهه وماشفت بانت(حبلهه)
عبالي عشرتك چنب   (حبلهه)
طلع بوه وتگطع بين أديه.
12/
علي طبگن يصاحب ذيچ(ويهاي)
المصايب لون غيري يمل(ويهاي)
أنه العن صاحبي مادرت(ويهاي)
ولاغلست عنه بكل قضيه.
13/
يصاحب زوديت الگلب  (ونته)
ولو ضاع الوفه وياك  (ونته)
أنه أشمعملت لجلك زين(ونته)
تعابيني وتذب شينك عليه.
14/
وحك شهرالصيام وعظم(گدره)
علي ثوب المصايب صار(گدره)
الرجل لونزل بين الناس(گدره)
بعد شله بحياته أعله الوطيه.
15/
يل بمايك رميت أرشاي(ودلاي)
كل ظني دليلك سمح  (ودلاي)
أنچانك صاحبي من صدك(ودلاي)
نشد مثل الينشدونك عليه.
16/
يهل تمشي بخفيف الجدم(وني)
أخبرنك عليك أشكثر  (وني)
شريچي بالونين الناي(وني)
يذكرني بهواك أشعمل بيه.
17/
ولك بالك تعاشر بعد(وياك)
 تود العاده ألك وبنار(وياك)
يخايب شين ماسويت (وياك)
شجاك وشين منك جره عليه.
18/
حمام الدوح ينبيني     (ونوبه)
ونيني ماأظن غيري   (ونوبه)
نوب أصبر وگول أهون(ونوبه)
أتخبل والوساع أيضيج بيه.
19/
وسع جرح البگلبي وكام(يدماي)
عله أللي بعشرته ظنيت (يدماي)
أنه ماگصرت وياك (يدماي)
شجاك وگصرت جدمك عليه.
20/
سبگني الوكت عيب أمشي(وراحيل)
وبعد العسر ماشوفن(وراحيل)
يربعي أيام وياكم  (وراحيل)
وتشيلون النعش فد يوم بيه.

21/
الوفينه اوياه ماله (مايفنه)
اودونه من النوايب  (مايفنه)
گال ابضيج اجيكم  (مايفنه)
يبين صدك لوصاحب حميه.
22/
 حيلي اعله الصديج ايهمك (ويهاك)
وطلبت الروح مني وگلت (ويهاك)
تريد اتشوفني لودرت (ويهاك)
لوتستنكف اتسلم عليه.

23/
 تعبت اوياك من تعبي (شتوفاي)
ومن مثلي ابحر شوگك (شتوفاي)
الناس العذلتك بيه (شتوفاي)
العذلني بيك ماچذب عليه.

24/
 يثوب العوز عمري (مارديته)
ولجل عزتي الملكته (مارديته)
الحچالك زور عني  (مارديته)
اسمعت حچيه وصرت وياه عليه.

25/
 اونن بس ونيني موش (عنداه)
بسبب لن الدنيا اوياي   (عنداه)
صديجي من شك